İlahi! Bu gün məni eyiblərin örtülməsi və iffətli olması ilə zinətləndir; mənə qənaət və kifayət libasını geyindir; məni ədalətli və insaflı olmağa müvəffəq et; məni qorxduğum işlərdən amanda saxla; Öz mühafizənlə, ey Qiyamət xofunda olanların qoruyucusu!

Həzrət Peyğəmbərdən (sallallahu əleyhi və alih) Xədicəi-Kubra əleyhasəlam haqda buyurur: "Beheştin ən fəzilətli və üstün qadınları Xədicə bint Xuvəylid, Fatimə bint Muhəmməd (sallallahu əleyhi və alih), Məryəm bint İmran, Asiya bint Muzahim-Fironun yoldaşı olmuşlar"

İlahi! Bu gün məni ehsan və yaxşı əməllərə rəğbətləndir, məndə günah və pis işlərə qarşı ikrah yarat, mənə qəzəb və cəhənnəm atəşini haram et! Sənin köməkliyinlə, ey pənahsızların ən ulu pənahı!

İlahi! Bu gün Sənə təvəkkül edənlərdən olum; Sənin hüzurunda nicat tapanlardan olum; məni Özünə yaxın bəndələrdən et. Öz ehsanınla, ey sevənlərin son arzusu!

İlahi! Bu gün mənə Öz geniş rəhmətindən tam nəsib əta et və məni aydın, qüdrətli bürhan və nur saçan dəlillərinlə hidayət et, mənim alnımdan tutub Öz istədiyin və razılığına səbəb olan əməllərə sövq ver; Öz məhəbbətinlə, ey müştaqların və həsrət çəkənlərin arzusu!

İlahi! Bu gün məni yetimlərə rəhm edən və Sənin yolunda yoxsullara yemək bəxşiş edən və aşkar salam verənlərdən et; məni Öz nemətinlə kəramətli və yaxşı insanlarla yoldaş et. Ey arzu edənlərin sığınacağı və pənahı!

İlahi, mənə bu günün orucunu tutmaqda və yaxşı əməllər yerinə yetirməkdə kömək ol; məni bu günün əyri yollarından və günahlarından uzaqlaşdır; Öz köməyinlə Səni daim yad etməkdə məni müvəffəq et. Ey yolunu azmışlara yolgöstərən!

İlahi, məni bu gün Sənə qarşı törətdiyim günahlarıma görə rüsvay etmə; qəzəb şallaqları ilə məni cəzalandırma; məni bu gün Öz minnət və qüdrətinlə qəzəbinə səbəb olan günahlardan uzaqlaşdır. Ey arzu edənlərin son arzusu