...Sən özün buyurmusan: «Hər kəs yaxşılıq edərsə, on bərabər əvəzi olacaqdır və hər kəs pislik edərsə, onun mislindən artıq cəza görməz»-həmçinin buyurmusan: «Mallarını Allah yolunda sərf edənlərin məsəli yeddi sünbül verən bir toxuma bənzər ki, bu sünbüllərin hər birində yüz ədəd dən vardır və Allah istədiyi kimsə üçün onu bir neçə qat artırar»

İlahi, bu gün “qədr” gecəsinin fəzilətini mənə nəsib et, bütün çətinliklərimi asanlaşdır, mənim üzrlərimi qəbul et, günahlarımı təmizlə və çirkin əməllərin ağırlığından mənə nicat ver. Ey saleh bəndələrə mehriban olan Allah!

Ey bəndələrinə etdiyin ehsanın əvəzində mükafat istəməyən, əta və lütf göstərməkdən peşiman olmayan Rəbbim. Ey bəndəsinə muzdunu əməlindən ödəyən, ne’mətin layiq olmayan bəndələrinə yetər, əfvin ehsan, cəza verməyin ədalət, cəzan xeyrin özüdür. əgər bəxşiş etsən onu minəttlə bulaşdırmazsan, mərhəmət göstərməməyin zülm üzündən deyil

İlahi, bu gün mənim səyimi bəyənilmiş, günahımı bağışlanmış, əməlimi qəbul olunmuş və eybimi örtülmüş qərar ver. Ey eşidənlərin ən yaxşı eşidəni!

İlahi, məni bu gün Sənin övliyanı sevənlərdən, düşmənlərini düşmən bilənlərdən, sonuncu Peyğəmbərin (sallallahu əleyhi və alih) din və şərəfini üstün tutub, onun buyurduqlarına əməl edənlərdən qərar ver! Ey peyğəmbərlərin qəlblərini hər bir sıxıntı və sapqınlıqlardan qoruyan Allah!

İlahi, bu gün Səndən, Səni razı salan əməlləri istəyirəm və Səni qəzəbləndirən əməllərdən Sənə pənah aparıram. Səndən istəyirəm ki, bu gün məni, Sənə itaət etməyə və günahdan çəkinməyə müvəffəq edəsən. Ey hacəti olanlara qarşı səxavətli Allah!

İlahi, bu gün mənim günahlarımı yu, çirkin və eyibli işlərdən məni təmizlə, qəlbimə qəlblərə aid olan təqva ilə qurtuluş ver! Ey günahkarların tövbəsini qəbul edən!

İlahi, bu gün Öz ehsan və kərəm qapılarını mənim üzümə aç və Öz bərəkətini mənə nazil et. Məni bu gün Sənin razılığına səbəb olan əməlləri yerinə yetirməyə müvəffəq et. Məni Öz cənnətinin ən gözəl yerində məskunlaşdır. Ey çarəsizlərin duasını qəbul edən!