Ramazan ayının iyirmi yeddinci gecəsi fəzilətli gecələrdən sayılır. Bu gecədə Məsumlardan yetişən hədislərə əsasən bu gecədə xüsusi əməllər zikr edilmişdir, o cümlədən, qüsl etmək, namaz qılmaq, gecəni ehya edib ibadətlə məşğul olmaq, Quran oxumaq, Seyyiduş-Şuhəda imam Huseynin (əleyhissəlam) ziyarəti və s

Iyirmi altıncı günün duası: İlahi, bu gün mənim səyimi bəyənilmiş, günahımı bağışlanmış, əməlimi qəbul olunmuş və eybimi örtülmüş qərar ver. Ey eşidənlərin ən yaxşı eşidəni!

Iyirmi beşinci günün duası: İlahi, məni bu gün dostlarını istəyən, düşmənlərini düşmən bilən, sonuncu Peyğəmbərin din və şərəfini üstün tutub, ona gözəl əməl edənlərdən qərar ver! Ey peyğəmbərlərin qəlblərini hər bir sıxıntı və sapqınlıqlardan qoruyan Allah!

İyirmi dördüncü günün duası: İlahi, bu gün Səndən, Səni razı salan əməlləri istəyirəm və Səni qəzəbləndirən əməllərdən Sənə pənah aparıram. Səndən istəyirəm ki, bu gün məni, Sənə itaət etməyə və günahdan çəkinməyə müvəffəq edəsən. Ey hacəti olanlara qarşı səxavətli Allah!

İyirmi üçüncü günün duası: İlahi, bu gün mənim günahlarımı yu, çirkin və eyibli işlərdən təmizlə, qəlbimə qəlblərə aid olan təqva ilə qurtuluş ver! Ey günahkarların tövbəsini qəbul edən!

Ramazan ayının iyirmi üçüncü gecəsi olduqca böyük fəzilətə malikdir, bu gecədə on doqquzuncu gecədə qeyd edilən müştərək əməllərdən əlavə bəzi duaların xüsusi olaraq oxunuşuna təkid edilmişdir

İlahi, bu gün Öz ehsan və kərəm qapılarını mənim üzümə aç və Öz bərəkətini mənə nazil et. Məni bu gün Sənin razılığına səbəb olan əməlləri yerinə yetirməyə müvəffəq et. Məni Öz cənnətinin ən gözəl yerində məskunlaşdır. Ey çarəsizlərin duasını qəbul edən!

Iyirmi birinci günün duası: İlahi, bu gün Öz istəkli əməllərinin yolunu mənə göstər. Şeytanın istədiyi yolları mənim üzümə bağla və onu mənə qalib etmə. Məni cənnətdə məskunlaşdır və onu mənim üçün bir məskən qərar ver. Ey ehtiyaclı olan bəndələrin ehtiyacını ödəyən!