“İlahi! Bu gün məni yetimlərə rəhm edən və Sənin yolunda yoxsullara yemək bəxşiş edən və aşkar salam verənlərdən et; məni Öz nemətinlə kəramətli və yaxşı insanlarla yoldaş et. Ey arzu edənlərin sığınacağı və pənahı!

“İlahi, mənə bu günün orucunu tutmaqda və yaxşı əməllər yerinə yetirməkdə kömək ol; məni bu günün əyri yollarından və günahlarından uzaqlaşdır; Öz köməyinlə Səni daim yad etməkdə məni müvəffəq et. Ey yolunu azmışlara yolgöstərən!

“İlahi, məni bu gün Sənə qarşı törətdiyim günahlarıma görə rüsvay etmə; qəzəb şallaqları ilə məni cəzalandırma; məni bu gün Öz minnət və qüdrətinlə qəzəbinə səbəb olan günahlardan uzaqlaşdır. Ey arzu edənlərin son arzusu

“İlahi, məni bu gün tövbə və istiğfar edənlərdən qərar ver; məni təvazökar və saleh bəndələrindən et; İlahi, bu gün Öz məhəbbət və mərhəmətinlə Sənə yaxın olan bəndələrindən olum. Ey mərhəmət edənlərin ən mərhəmətlisi!

“İlahi, Sənin əmrini bərpa etmək üçün mənə qüvvət ver; Səni zikr və yad etməyin şirinliyini mənə dadızdır; Öz kərəminlə məni şükr etməyə hazır et; məni Öz hifzinlə və pis işlərdən qoruyan örtüyünlə qoru. Ey görənlərin ən bəsirətlisi!

“Ey uca, ey əzəmətli, ey bağışlayan, ey rəhm edən! Sən böyük Allahsan; heç bir bənzəri olmayan, Allahsan; hər şeyi eşidən və görən Allah. Bu ay Sənin bütün aylardan əzəmətli və kəramətli etdiyin, şərafətli və üstün tutduğun bir aydır. Hansı ki, o ayda oruc tutmağı mənə vacib etdin. O, Ramazan ayıdır

“İlahi, bu gün mənə yaxşı düşünmək və ayıq fikir ver; məni ağılsız və səfeh işlərdən uzaq et; bu gün Öz səxavətinlə nazil etdiyin hər bir xeyirdən mənə pay ayır. Ey səxavətlilərin ən səxavətlisi!”

“İlahi! Bu gün məni razı olduğun əməllərə yaxınlaşdır; Öz qəzəbindən və əzabından uzaqlaşdır; Quranın ayələrini oxumağa müvəffəq et. Ey rəhm edənlərin ən rəhmlisi!”