Həzrət Ayətullah Məhəmmədcavad Fazil Lənkəraninin və mərhum Ayətullah Uzma Fazil Lənkəraninin (rə) fiqhi nəzərlərinə əsasən, sabah 2022-ci il mayın 3-ü mübarək Fitr bayramı elan edilir

İlahi! Ağamız Muhəmməd (sallahu əleyhi və alih) və onun pak Əhli-Beytinə (əleyhimussəlam) xatir, bu gün mənim orucumu qəbul edib elə mükafatlandır ki, Sən və Sənin Rəsulun bəyənib razı olasız, onun furu və şaxələrini usul və kökü ilə möhkəmləndir; Həmdü-səna aləmlərin Rəbbi olan Allaha məxsusdur!

İlahi, sinəmi Quranla genişləndir, bədənimi Quranla (Quranın göstərişləri ilə) işə sal, gözümü Quranla işıqlandır, dilimi Quranla aç və yaşadığım vaxta qədər ona əməl etməkdə mənə yardımçı ol! Çünki Səndən başqa heç bir güc və qüdrət yoxdur

İlahi, Qurani-Kərimi nazil etdiyin bu Ramazan ayı gəlib keçdi! Ey mənim Rəbbim, bu gecənin sübhü üzümə açıldığı halda, mənim üzərimdə Sənin tərəfindən bir cəza və ya Sənə qarşı bir günah qalaraq əzaba düçar olacağımdan Sənin böyük zatına sığınmışam!

İlahi! Bu gün məni Öz rəhmətinlə əhatə et, mənə tövfiq və paklıq nəsib et, qəlbimi şübhəli işlər və töhmətli əməllərdən təmizlə; Ey mö­min bəndələrinə rəhm edən Allah!

İlahi! Bu gün məni müstəhəb və nafilə əməlləri geniş şəkildə yerinə yetirməyə müvəffəq et və arzularımı yerinə yetirməklə mənə kərəm et, Sənə yaxın edən vasitələrin daha yaxınını mənə inayət et; Ey istəyi olanların israrı və çox təmənnası onu haqdan geri qoymayan Allah!

Ramazan ayının iyirmi yeddinci gecəsi fəzilətli gecələrdən sayılır. Məsumlardan yetişən hədislərə əsasən, bu gecədə xüsusi əməllər zikr edilmişdir

İlahi! Bu gün mənim səyimi bəyənilmiş (təşəkkür edilmiş), günahımı bağışlanmış, əməlimi məqbul və eybimi örtülmüş qərar ver; Ey eşidənlərin ən yaxşı eşidəni!