İlahi! Bu gün məni Öz rəhmətinlə əhatə et, mənə tövfiq və paklıq nəsib et, qəlbimi şübhəli işlər və töhmətli əməllərdən təmizlə; Ey mö­min bəndələrinə rəhm edən Allah

İlahi, Qurani-Kərimi nazil etdiyin bu Ramazan ayı gəlib keçdi! Ey mənim Rəbbim, bu gecənin sübhü üzümə açıldığı halda, mənim üzərimdə Sənin tərəfindən bir cəza və ya Sənə qarşı bir günah qalaraq əzaba düçar olacağımdan Sənin böyük zatına sığınmışam

İlahi! Bu gün məni müstəhəb və nafilə əməlləri geniş şəkildə yerinə yetirməyə müvəffəq et və arzularımı yerinə yetirməklə mənə kərəm et, Sənə yaxın edən vasitələrin daha yaxınını mənə inayət et; Ey istəyi olanların israrı və çox təmənnası onu haqdan geri qoymayan Allah

İlahi! Bu gün “Qədr” gecəsinin fəzilətini mənə nəsib et, bütün çətinliklərimi asanlaşdır, mənim üzrlərimi qəbul et, xata və günahlarımı təmizləyib aradan apar; Ey saleh bəndələrə mehriban olan

İlahi! Fani qürur evindən (bu dünyadan) uzaqlaşmağı və əbədi evə qayıtmağı, eləcə də ölüm vaxtı çatmazdan ölümə hazır olmağı mənə nəsib et

İlahi! Bu gün mənim səyimi bəyənilmiş (təşəkkür edilmiş), günahımı bağışlanmış, əməlimi məqbul və eybimi örtülmüş qərar ver; Ey eşidənlərin ən yaxşı eşidəni

İlahi! Bu gün Sənin dostlarına məhəbbətli və düşmənlərinlə ədavətli olmağı və sonuncu Peyğəmbərinin şəriət və sünnətinə əməl etməyi mənə əta et; Ey peyğəmbərlərin qəlbinə ismət bəxş edən

İlahi! Bu gün Səndən, Səni razı salan əməlləri istəyirəm və Sənə əziyyət verən əməllərdən Sənə pənah aparıram; İstəyirəm Sənə itaət etməyə və günahdan çəkinməyə məni müvəffəq edəsən; Ey hacəti olanlara bəxşiş edən və səxavətli Allah